Görünən odur ki, 2026-nın birinci yarısında ABŞ-da bazara yüksək həcmdə likvidlik buraxılması ehtimal olunur. Bu, ümumilikdə şirkət dəyərlərinin artmasına səbəb ola bilər. Təbii ki, yüksəliş prosesi mütəmadi korreksiyalarla müşayiət olunacaq. Bu senarinin əsas səbəblərindən biri faiz endirimlərinə daha meyilli olan yeni FED rəhbəri ( böyük ehtimal ki Hasset) və inflyasiyanı süni şəkildə nəzarətdə saxlamağa çalışan ABŞ Xəzinədarlıq Nazirliyinin (Treasury) rəhbəri Scott Bessent-in atdığı addımlar olacaq.
Dollar kütləsinin artması fonunda dolların real dəyərinin zəifləməsi gözlənilir ki, bu da qiymətli və sənaye metallarının bahalaşmasına şərait yaradacaq . Xüsusilə texnoloji istehsalda geniş istifadə olunan gümüş, alüminium və oxşar metalların dəyərinin pademiya öncəsi 10 illikdə olduğu kimi 2010-2020 yüksəlməsi ehtimal olunur.
Texnoloji tərəfdə isə elektron çiplər tədricən photonic (fotonik) çiplərlə əvəz olunmağa başlayacaq. Photonic çiplər elektron çiplərlə müqayisədə daha yüksək sürət, aşağı enerji sərfi və daha az istilik problemi yaratdığından bu sahəyə tələbat sürətlə artacaq. Hazırda bu istiqamətdə Intel (Silicon Photonics) və Broadcom (data center üçün optik şəbəkə və photonic modullar) əsas aparıcı oyunçular hesab olunur.
Eyni zamanda, ABŞ-da kriptovalyutalarla ödəniş infrastrukturunun genişlənməsi prosesi sürətlənir. 2026-cı ildən etibarən coin payment station-ların adi ərzaq marketləri də daxil olmaqla geniş miqyasda qurulması planları kriptoaktivlərin gündəlik istifadəsini artıra bilər. Bu proses korreksiyalarla müşayiət olunsa da, Bitcoin-in uzunmüddətli perspektivdə dəyər qazanmasına dəstək verəcək.
AI bumundan sonra növbəti böyük texnoloji dalğa Quantum Computing (kvant kompüterləri) ola bilər. Analitiklər ümumilikdə növbəti 5–6 il ərzində bu sahədə ciddi sıçrayış gözləyir və 2026-cı il kvant texnologiyalarının real nəticələr verməyə başladığı dönüş ili kimi qiymətləndirilir. Bu baxımdan Quantum Computing şirkətlərinin səhmləri kəskin yüksəlişə keçə bilər.
AI data mərkəzlərinin sürətli artımı əvvəlcə enerji çatışmazlığı problemini gündəmə gətirmişdi, indi isə su və maye ilə soyutma (cooling) problemləri ön plana çıxır. Bu səbəbdən soyutma sistemləri, enerji səmərəliliyi və data center infrastrukturu ilə məşğul olan şirkətlərin dəyərinin artması yüksək ehtimal olunan bir gözləntidir.
Enerji sektorunda isə 2026-cı il xüsusilə neft sektoru üçün riskli dövr kimi görünür. Davam edən müharibələr, qlobal bazarda neft qiymətlərinin koordinasiyalı şəkildə təzyiq altında ucuz saxlanması və dünyanın sürətlə post-oil dövrünə keçid hazırlığı bu sektora olan riskləri artırır. 2026-dan sonrakı 5 il bu baxımdan həlledici hesab olunur.
Bütün bunlarla yanaşı, 2026-ci ildə dərman və MedTech sektorunda da ciddi potensial yaranacaq. AI vasitəsilə xərçəng, beyin və ürək-damar xəstəlikləri üzrə real və effektiv müalicə metodları təqdim edə bilən istənilən şirkət qısa müddətdə kəskin qiymət artımı ilə yüksələcək.
Defense & Cybersecurity sektoru 2026-cı ildə ən stabil və strateji artım sahələrindən biri olacaq. Geosiyasi gərginliklərin azalmaq əvəzinə artması, NATO ölkələrinin müdafiə büdcələrini yüksəltməsi və dövlətlərin kritik infrastrukturunu (enerji, su, bank, rabitə, data mərkəzləri) qorumağa fokuslanması bu sektora uzunmüddətli və davamlı pul axını yaradacaq.
Xüsusilə aşağıdakı 3 sahədə fəaliyyət göstərən şirkətlərin dəyərinin artması yüksək ehtimalla davam edəcək.
Cybersecurity (AI-driven security, cloud security, OT security)
Defense tech (drone sistemləri, radar, AI-based decision systems)
Space defense & satellite security
Yekun olaraq deyə bilərik ki , 2026-cı il qlobal bazarlar üçün dönüş nöqtəsi ola bilər. ABŞ-da likvidlik şərtlərinin yumşalması və faiz endirimi gözləntiləri şirkət dəyərlərini dəstəkləsə də, bu proses mütəmadi korreksiyalarla müşayiət olunacaq. Dolların zəifləməsi fonunda sənaye və qiymətli metallara maraq arta, texnologiya tərəfində isə photonic çiplər, AI-dan sonrakı mərhələdə kvant kompüterləri yeni böyümə dalğasının əsasını qoya bilər.
Eyni zamanda enerji sektorunda post-oil keçidi və data mərkəzlərinin infrastruktur problemləri bazarda selektiv yanaşmanı zəruri edir. 2026-cı ildə əsas fərq yaradan amil “harada olmaq” yox, “nəyə fokuslanmaq” olacaq.
Mənbələr :
https://economymiddleeast.com/news/fed-expected-to-implement-three-25-basis-point-rate-cuts-in-2026
https://www.goldmansachs.com/insights/articles/the-outlook-for-fed-rate-cuts-in-2026
https://oilprice.com/Metals/Commodities/Aluminum-Demand-Remains-Steady-Despite-Price-Hikes.html
https://learn.apmex.com/investing-guide/how-the-u-s-dollar-influences-precious-metals-prices
https://www.parametricportfolio.com/-/media/Files/Insights-and-Research/Commodity-Prices-and-the-Strength-of-the-US-Dollar/Evil-Twins_Commodity-Prices-and-the-Strength-of-the-USD-2021.ashx
https://www.intel.com/content/www/us/en/research/integrated-photonics.html#:~:text=Integrated%20Photonics%20Research,highest%20level%20of%20the%20network.
https://www.idtechex.com/en/research-report/quantum-computing-market/1110#:~:text=Quantum%20computing%20is%20a%20high,computing%20will%20arrive%20before%202030.
https://www.quera.com/press-releases/research-reveals-quantum-computing-development-is-faster-than-expected-set-to-become-superior-technology-within-five-years
https://quantumcomputingjobs.co.uk/career-advice/quantum-computing-sector-predictions-for-the-next-5-years-technological-breakthroughs-emerging-applications-and-the-evolving-job-market#:~:text=2.4%20Quantum%20Machine%20Learning%20(QML,techniques%20without%20specialised%20hardware%20knowledge.
https://www.eesi.org/articles/view/data-centers-and-water-consumption
https://cryptwerk.com/post/how-on-chain-payments-are-taking-over-retail-in-2026/#:~:text=Today%2C%20at%2002:33%20pm,and%20more%20of%20a%20standard.
https://www.fool.com/investing/2025/12/13/can-bitcoin-reach-price-in-2026-the-answer-might-b/