Bəzi proqram şirkətləri çox tanınmasa da, binaların, zavodların və məhsulların yaradılmasında əsas rol oynayır. Tikinti və istehsal rəqəmsallaşdıqca layihə məlumatlarını vahid platformada idarə edən proqramlara tələbat artır. Süni intellekt isə layihələrin daha sürətli hazırlanmasına, xərclərin azaldılmasına və səhvlərin əvvəlcədən müəyyən edilməsinə im…

Read more

Süni intellekt dalğası bəzi texnologiya şirkətlərini bazarın yeni ulduzuna çevirərkən, digərlərini gələcəklə bağlı çətin suallar qarşısında qoyur. Uzun illər korporativ dünyada mühüm rol oynayan bu şirkət indi biznes modelini yeni texnoloji dövrə uyğunlaşdırmağa çalışır. Son maliyyə nəticələri gəlirliliyin sürətlə yaxşılaşdığını göstərsə də, gəlir artım…

Read more

Texnologiya sektorunda bəzi şirkətlər son istifadəçiyə birbaşa görünməsə də, müasir proqramların arxasında duran əsas infrastrukturu təmin edir. Süni intellekt tətbiqləri böyüdükcə məlumatların saxlanılması, real vaxtda işlənməsi və müxtəlif sistemlər arasında idarə olunması daha kritik hala gəlir. Bu tendensiya bulud əsaslı məlumat platformalarına tələ…

Read more

Texnologiya dünyasında bəzi şirkətlər geniş ictimaiyyətə çox tanış olmasa da, qlobal istehsal zəncirində əvəzolunmaz mövqeyə malikdir. Bu şirkət gələcəyin daha güclü və enerjiyə qənaət edən texnologiyalarının hazırlanmasını mümkün edən kritik avadanlıq və həllər təqdim edir. Süni intellekt, data mərkəzləri və yüksək performanslı hesablama sistemlərinə a…

Read more

Uzun illərdir fəaliyyət göstərən bu şirkət, dəyişən bazar şərtlərinə uyğunlaşmaq üçün biznes modelində genişmiqyaslı transformasiya həyata keçirir. Məhsul və xidmət portfelini yenidən formalaşdıran korporasiya, resurslarını sürətlə inkişaf edən texnologiyalara və gələcək tələbatın yüksək olacağı sahələrə yönəldir. Yeni strategiya əməliyyat səmərəliliyin…

Read more

Süni intellekt səhiyyə sektorunda erkən diaqnostikadan dərman kəşfinə, robotik cərrahiyyədən fərdiləşdirilmiş müalicəyə qədər bir çox istiqaməti dəyişir. ABŞ birjalarında ticarət olunan və bu inkişafdan faydalana biləcək şirkətləri altı əsas kateqoriyada toplamaq olar.

Erkən aşkarlama və dəqiq diaqnostika

• Abbott Laboratories (ABT) diaqnostik testlər, tibbi cihazlar və qlükoza monitorinq sistemləri hazırlayır.

• Natera Inc. (NTRA) prenatal müayinə, onkologiya və orqan transplantasiyası üçün DNT əsaslı testlər təqdim edir.

• Guardant Health Inc. (GH) xərçəngin aşkarlanması və uyğun müalicənin seçilməsi üçün maye biopsiya və genom məlumatlarından istifadə edir.

• Tempus AI Inc. (TEM) klinik və molekulyar məlumatları süni intellektlə təhlil edərək diaqnostika və müalicə qərarlarını təkmilləşdirir.

• Caris Life Sciences Inc. (CAI) xərçəng xəstələri üçün molekulyar profil, genom məlumatları və süni intellekt əsaslı analizlər təqdim edir.

• GRAIL Inc. (GRAL) qan analizi vasitəsilə müxtəlif xərçəng növlərini erkən mərhələdə aşkarlamağa çalışır.

• GeneDx Holdings Corp. (WGS) nadir xəstəliklərin diaqnostikası üçün ekzom və genom ardıcıllığı texnologiyalarından istifadə edir.

• SOPHiA GENETICS SA (SOPH) xərçəng və nadir xəstəliklərlə bağlı genomik, klinik və tibbi görüntü məlumatlarını süni intellektlə təhlil edir.

Süni intellektlə dərman kəşfi və hesablama biologiyası

• Moderna Inc. (MRNA) mRNA platforması, avtomatlaşdırma və məlumat analizindən istifadə edərək yeni dərmanlar hazırlayır.

• BioNTech SE (BNTX) mRNA texnologiyası, immunoterapiya və hesablama biologiyası vasitəsilə yeni müalicələr hazırlayır.

• CRISPR Therapeutics AG (CRSP) genetik xəstəliklərin müalicəsi üçün CRISPR əsaslı gen redaktəsi texnologiyaları inkişaf etdirir.

• AbCellera Biologics Inc. (ABCL) yeni anticisimlərin kəşfi üçün mikrofluidik analiz və süni intellektdən istifadə edir.

• Beam Therapeutics Inc. (BEAM) DNT-də daha dəqiq dəyişikliklər etmək üçün baza redaktəsi texnologiyası hazırlayır.

• Recursion Pharmaceuticals Inc. (RXRX) süni intellekt və genişmiqyaslı bioloji məlumatlardan istifadə edərək dərman kəşfini sürətləndirir.

• Absci Corporation (ABSI) generativ süni intellekt vasitəsilə yeni zülal və anticisim əsaslı dərmanlar hazırlayır.

• Schrödinger Inc. (SDGR) fizika əsaslı molekulyar simulyasiyaları süni intellektlə birləşdirərək dərman hazırlanmasına kömək edir.

• Certara Inc. (CERT) dərman sınaqlarını və dozaların müəyyənləşdirilməsini təkmilləşdirmək üçün biosimulyasiya və məlumat analizindən istifadə edir.

• Ginkgo Bioworks Holdings Inc. (DNA) hüceyrələrin proqramlaşdırılması, sintetik biologiya və avtomatlaşdırılmış laboratoriya platformaları üzərində işləyir.

• BioAge Labs Inc. (BIOA) yaşlanma biologiyasına dair məlumatlardan istifadə edərək yaşla əlaqəli xəstəliklərə qarşı dərmanlar hazırlayır.

Multi-omika və klinik məlumat platformaları

• IQVIA Holdings Inc. (IQV) klinik tədqiqatlar, səhiyyə məlumatları və analitik xidmətlər təqdim edir.

• Veeva Systems Inc. (VEEV) həyat elmləri sektorundakı iş prosesləri üçün bulud proqramları və məlumat infrastrukturu yaradır.

• Illumina Inc. (ILMN) genom ardıcıllığı cihazları və bioinformatika platformaları hazırlayır.

• Twist Bioscience Corporation (TWST) zülal dizaynı və hesablama biologiyası üçün istifadə olunan sintetik DNT istehsal edir.

• 10x Genomics Inc. (TXG) hüceyrə və toxumaların yüksək dəqiqliklə təhlili üçün təkhüceyrəli və məkan biologiyası platformaları yaradır.

Süni intellekt əsaslı tibbi görüntüləmə

• GE HealthCare Technologies Inc. (GEHC) tibbi görüntüləmə cihazları, diaqnostika sistemləri və süni intellekt əsaslı klinik proqramlar hazırlayır.

• RadNet Inc. (RDNT) DeepHealth platforması vasitəsilə tibbi görüntülərin süni intellektlə təhlilini və radioloji hesabatların avtomatlaşdırılmasını təmin edir.

• Heartflow Inc. (HTFL) ürəyin KT görüntülərini süni intellektlə təhlil edərək koronar arteriya xəstəliyinin aşkarlanmasına kömək edir.

• Butterfly Network Inc. (BFLY) portativ ultrasəs cihazlarını bulud proqramları və süni intellektlə birləşdirir.

Robotik cərrahiyyə, tibbi cihazlar və monitorinq

• Intuitive Surgical Inc. (ISRG) “da Vinci” platforması vasitəsilə robotik cərrahiyyə sistemləri təqdim edir.

• Stryker Corporation (SYK) robotik cərrahiyyə, ortopediya və tibbi cihaz texnologiyaları hazırlayır.

• Medtronic plc (MDT) robotik cərrahiyyə, ürək monitorinqi və digər tibbi cihazlar istehsal edir.

• DexCom Inc. (DXCM) diabet xəstələri üçün davamlı qlükoza monitorinq sistemləri hazırlayır.

• ResMed Inc. (RMD) yuxu apnesi və tənəffüs xəstəlikləri üçün ağıllı cihazlar və bulud platformaları təqdim edir.

• Zimmer Biomet Holdings Inc. (ZBH) ortopedik implantlar və robotik cərrahiyyə sistemləri hazırlayır.

• Globus Medical Inc. (GMED) onurğa və ortopedik əməliyyatlar üçün implant, robotik və naviqasiya sistemləri təqdim edir.

• iRhythm Technologies Inc. (IRTC) ürək ritmini uzunmüddətli izləyən cihazlar və süni intellekt əsaslı analiz sistemləri hazırlayır.

• PROCEPT BioRobotics Corporation (PRCT) prostat vəzinin böyüməsinin müalicəsi üçün yüksək təzyiqli su axınına əsaslanan robotik sistemlər hazırlayır.

Rəqəmsal səhiyyə və tibbi xidmət platformaları

• Cardinal Health Inc. (CAH) dərman və tibbi məhsulların paylanması ilə yanaşı, səhiyyə texnologiyaları və məlumat xidmətləri təqdim edir.

• Molina Healthcare Inc. (MOH) dövlət tərəfindən dəstəklənən tibbi sığorta proqramları və rəqəmsal səhiyyə xidmətləri təqdim edir.

• Hinge Health Inc. (HNGE) dayaq-hərəkət sistemi problemləri üçün süni intellekt və hərəkət izləmə texnologiyasına əsaslanan rəqəmsal müalicə platforması yaradır.

• Hims & Hers Health Inc. (HIMS) fərdiləşdirilmiş dərmanlar, dozalar və genişmiqyaslı teletibb xidmətləri təqdim edir.

• Doximity Inc. (DOCS) həkimlər üçün süni intellekt əsaslı klinik iş, kommunikasiya və məhsuldarlıq alətləri təqdim edir.

• Omada Health Inc. (OMDA) diabet, hipertoniya və digər xroniki xəstəliklərin idarə edilməsi üçün virtual müalicə proqramları təqdim edir.

• Teladoc Health Inc. (TDOC) virtual həkim qəbulu, xroniki xəstəliklərin idarə edilməsi və rəqəmsal tibbi xidmətlər göstərir.

• Weave Communications Inc. (WEAV) klinikalar üçün pasiyent kommunikasiyası, ödəniş və iş proseslərinin idarə edilməsi proqramları hazırlayır.

Qeyd: Bu şirkətlərin hamısı birbaşa süni intellekt şirkəti deyil. Bəziləri səhiyyədə süni intellektin geniş tətbiqindən faydalana biləcək tibbi cihaz, biotexnologiya, məlumat və rəqəmsal xidmət şirkətləridir. Siyahı yalnız məlumat məqsədi daşıyır və investisiya tövsiyəsi deyil.

Süni intellekt infrastrukturu böyüdükcə bazarın diqqətindən kənarda qalan bəzi texnologiya şirkətləri üçün yeni imkanlar yaranır. Bu şirkətlərdən biri sürətlə artan gəlirləri, yüksək mənfəət marjaları və güclü pul axını ilə seçilir. Yeni məhsullar, sənaye avtomatlaşdırılması və strateji satınalma onun gələcək inkişafını dəstəkləyə bilər. Bazarın şirkət…

Read more

Süni intellekt sahəsində son illərdə baş verən sürətli inkişaf, təkcə proqram təminatı və modellərlə məhdudlaşmır. Əsl dönüş nöqtəsi məhz bu modelləri işlədə bilən hesablama gücü, GPU infrastrukturu və AI-yə uyğunlaşdırılmış cloud platformaları üzərində gedir. Böyük dil modelləri, data mərkəzləri, inference və training ehtiyacları klassik cloud yanaşmal…

Read more

Bir çox investor bu şirkəti hələ də keçmiş dövrün texnologiya nəhəngi kimi qiymətləndirir. Əslində isə şirkət sürətlə hibrid cloud, korporativ AI və məlumat idarəetməsi biznesinə çevrilir. Son rübdə ümumi nəticələr gözləntiləri tam qarşılamasa da, əsas proqram təminatı istiqamətlərində ikirəqəmli artım davam edib. Güclü sərbəst pul axını və davamlı divi…

Read more

Son illərdə süni intellekt sektorunda əsas diqqət AI modellərini hazırlayan şirkətlərə yönəlsə də, bu texnologiyanın sürətli inkişafından ən böyük fayda əldə edən sahələrdən biri AI infrastrukturu olub.

NVIDIA, AMD və digər yarımkeçirici şirkətlərin sürətli böyüməsi göstərdi ki, AI yarışında yalnız ən yaxşı modeli hazırlamaq kifayət deyil. Bu modelləri ö…

Read more

Gizli reklam nədir ?

Gizli reklam məhsulun, xidmətin və ya investisiyanın reklam məqsədilə təqdim edilməsi, lakin auditoriyaya bunun kommersiya xarakterinin bildirilməməsidir. ABŞ Federal Ticarət Komissiyasına görə, reklam edən şəxslə şirkət arasındakı maliyyə, əməkdaşlıq və digər əhəmiyyətli əlaqələr aydın şəkildə açıqlanmalıdır. Bu əlaqələrə birbaşa ödəniş, satış komissiyası, pulsuz məhsul, endirim və müxtəlif imtiyazlar daxil ola bilər. Məsələn, bank məhsullarından , tikinti şirkətindən və digər maliyyə xidməti sektorundan pul alan maliyyəçinin həmin şirkətin layihəsini müstəqil investisiya tövsiyəsi kimi təqdim etməsi gizli reklam əlamətləri yaradır. Eyni qayda şirkətdən komissiya alan şəxsin riskli istiqrazları təhlükəsiz gəlir mənbəyi kimi tanıtmasına da aid olur. Buna görə hər hansı tövsiyəni qiymətləndirərkən onun arxasında açıqlanmayan maddi marağın olub-olmadığını araşdırmaq vacibdir.

FTC — İnfluenserlər üçün açıqlama qaydaları

2. Wall Street şirkətləri maraqlar toqquşmasına görə təxminən 1,4 milyard dollar cərimə ödəməyə razılaşıblar

2003-cü ildə Goldman Sachs, JPMorgan, Morgan Stanley, Merrill Lynch və digər qurumların daxil olduğu 10 investisiya şirkəti maraqlar toqquşması ilə bağlı dövlət tənzimləyicilərinin cəzası ilə üzləşib. Araşdırmaya əsasən məlum olub ki, investorların müstəqil hesab etdiyi səhm təhlillərinə bankların həmin şirkətlərlə kommersiya münasibətləri təsir göstərib - yəni səhm təhlil edən şirkətlərə banklar pul ödəyib. Cərimə razılaşmasının ümumi həcmi təxminən 1,4 milyard dollar təşkil edib. Məbləğin 487,5 milyon dolları birbaşa cərimələrə, 387,5 milyon dolları geri ödənişlərə, 432,5 milyon dolları müstəqil araşdırmalara, 80 milyon dolları isə investorların maarifləndirilməsinə ayrılıb. Yəni 1,4 milyard dolların hamısı cərimə olmasa da, maliyyə şirkətləri ciddi sanksiyalar və nəzarət tədbirləri ilə üzləşiblər. Hadisə göstərib ki, nüfuzlu maliyyə qurumunun verdiyi investisiya tövsiyəsi də kommersiya maraqlarından təsirlənə bilər.

SEC — 2003-cü il analitik araşdırmaları üzrə razılaşma

3. Ödənişli səhm reklamları müstəqil maliyyə araşdırması kimi yayımlanıb

2017-ci ildə SEC ödənişli səhm reklamlarını obyektiv maliyyə təhlili kimi təqdim edən sxemlərlə bağlı 27 şəxs və təşkilata qarşı tədbirlər gördüyünü açıqlayıb. Araşdırmaya əsasən, şirkətlər öz səhmlərini tanıtmaq üçün kommunikasiya firmaları ilə əməkdaşlıq edib, həmin firmalar isə müəlliflərə müsbət məqalələr yazdırıblar. Oxucular bu yazıları müstəqil araşdırma hesab etsələr də, müəlliflər şirkətlər tərəfindən birbaşa və ya dolayı şəkildə maliyyələşdiriliblər. SEC-in məlumatına görə, 250-dən çox məqalədə müəlliflərin ödəniş almadığı barədə yanlış məlumat verilib. Bəzi hallarda kommersiya münasibətlərini gizlətmək üçün saxta analitik kimliklərindən də istifadə edildiyi bildirilib. Bu hadisə göstərir ki, “müstəqil araşdırma” adı ilə yayımlanan hər məqalə həqiqətən müstəqil olmaya bilər.

SEC — Ödənişli səhm məqalələri ilə bağlı araşdırma

4. Yaşayış layihəsi təhlükəsiz investisiya kimi təqdim edilərək 100 milyon dollardan çox vəsait toplayıb.

Sanctuary Belize layihəsi investorlara lüks yaşayış və istirahət kompleksi, təhlükəsiz sərmayə və gələcəkdə böyük qazanc imkanı kimi təqdim olunub. Alıcılara layihənin tezliklə tamamlanacağı, infrastrukturun qurulacağı və əmlak qiymətlərinin iki və ya üç dəfə artacağı vəd edilib. Bu təqdimatlar nəticəsində insanlar layihəyə 100 milyon dollardan çox vəsait yatırıb. Sonradan vəd edilən imkanların böyük hissəsi reallaşmayıb və bir çox investor aldığı əmlakı sata bilməyib. Federal məhkəmə 2020-ci ildə layihənin aldadıcı şəkildə təqdim edildiyini müəyyənləşdirib, FTC isə 2026-cı ildə zərərçəkənlərə təxminən 23 milyon dolların qaytarıldığını açıqlayıb. Hadisə göstərir ki, yaşayış kompleksinin “mütləq bahalaşacaq” və “risksiz investisiyadır” kimi təqdim edilməsi böyük maliyyə itkilərinə səbəb ola bilər.

FTC — Sanctuary Belize və Kanantik layihələri

5. Daşınmaz əmlak agentlərinə gizli yönləndirmə ödənişləri böyük cərimələrlə nəticələnib

Freedom Mortgage şirkəti daşınmaz əmlak agentlərinə ( Maklerlərə ) potensial ev alıcılarını öz ipoteka xidmətlərinə yönləndirmələri üçün pul və müxtəlif üstünlüklər təqdim edib. Bu üstünlüklərə birbaşa ödənişlər, ödənişli xidmətlər , endirimlər və tədbirlərin maliyyələşdirilməsi daxil olub. Ev alan şəxslər agentin tövsiyəsini obyektiv seçim hesab etsələr də, həmin yönləndirmənin arxasında maddi maraq dayanıb. ABŞ İstehlakçıların Maliyyə Müdafiəsi Bürosu 2023-cü ildə Freedom Mortgage şirkətinə 1,75 milyon dollar cərimə tətbiq edib. Realty Connect şirkəti isə qanunsuz üstünlükləri ( pulsuz və ya endirimli evlər ) qəbul etdiyinə görə əlavə 200 min dollar cərimələnib. Bu hadisə daşınmaz əmlak əməliyyatlarında şəxsi tövsiyə kimi görünən yönləndirmələrin əslində açıqlanmayan kommersiya münasibətləri ilə əlaqəli ola biləcəyini göstərir.

CFPB — Freedom Mortgage və Realty Connect işi

6. Yüksək faizli istiqrazlar investorların bütün vəsaitini itirməsi ilə nəticələnə bilər

GWG Holdings tərəfindən buraxılan L Bonds istiqrazları müddətindən asılı olaraq illik 5,5–8,5% gəlir təklif edib. Rəsmi araşdırmalara görə, bu istiqrazlar yüksək riskli, kredit reytinqi olmayan və asanlıqla satılması mümkün olmayan maliyyə məhsulları idi. Buna baxmayaraq, bəzi brokerlər onları pensiya yaşında olan və yüksək riskə uyğun olmayan müştərilərə tövsiyə ediblər. GWG Holdings 2022-ci ilin aprelində müflisləşmə müraciət edib. Texas State Securities Board 2026-cı ildə Landolt Securities şirkətinə və iki agentə qarşı sanksiya tətbiq edib, müəyyən müştərilərə geri ödəniş edilməsini tələb edib. Bu nümunə göstərir ki, yüksək faizli istiqrazları tərifləyən şəxslər onların defolt, likvidlik və kapital itkisi risklərini də aydın şəkildə izah etməlidirlər.

Texas State Securities Board — GWG L Bonds istiqrazları

7. Riskli istiqrazları pensiyaçılara tövsiyə edən maliyyə şirkətləri ayrıca cərimələnib

Lion Street Financial şirkətinin GWG tərəfindən buraxılan yüksək riskli istiqrazları bəzi pensiya yaşlı müştərilərə tövsiyə etdiyi müəyyənləşdirilib. SEC şirkətin məhsulun risklərini lazımi səviyyədə araşdırmadığını və maraqlar toqquşmasına qarşı tədbirlərinin yetərsiz olduğunu bildirib. Lion Street Financial 2024-cü ildə 135 min dollar cərimə və əlavə olaraq təxminən 18,6 min dollar geri ödəniş və faiz ödəməyi qəbul edib. Western International Securities adlı başqa şirkət və brokerləri isə fərdi investorlara təxminən 13,3 milyon dollarlıq riskli GWG istiqrazları satıblar. Həmin şirkət və brokerlər ümumilikdə 327.280 dollardan çox geri ödəniş, faiz və cərimə ödəyiblər. Bu hadisələr göstərir ki, müştərinin maliyyə vəziyyətinə uyğun olmayan yüksək riskli məhsulların təşviqi ciddi hüquqi nəticələr yarada bilər.

SEC — Lion Street Financial işi

SEC — Western International Securities işi

8. “Ən yaxşı maliyyə məhsulları” reytinqi ödənişə görə formalaşdırılıb

LendEDU platforması istifadəçilərə kreditlər və digər maliyyə məhsulları barədə obyektiv müqayisə təqdim etdiyini bildirirdi. FTC-nin araşdırmasına əsasən, şirkətlər daha yüksək mövqe tutmaq üçün platformaya ödəniş ediblər. Bir nümunədə şirkət hər klik üçün 15 dollar ödədikdən sonra reytinqdə birinci yerdə saxlanılıb. Platformada yerləşdirilən bəzi müsbət rəylərin də müstəqil istifadəçilərin fikri olmadığı müəyyənləşdirilib. FTC 2020-ci ildə yekun razılaşma çərçivəsində LendEDU-dan 350 min dollar ödəniş tələb edib. Bu hadisə göstərir ki, “ən yaxşı bank”, “ən sərfəli kredit” və “ən etibarlı platforma” siyahıları bəzən xidmət keyfiyyətinə yox, ödənilən reklam məbləğinə əsaslana bilər.

FTC — LendEDU üzrə yekun qərar

FTC — Ödənişli reytinqlərin necə formalaşdırıldığı

9. Məşhurlar açıqlanmayan kriptovalyuta reklamlarına görə cərimələniblər

Kim Kardashian 2022-ci ildə EthereumMax tokeni ilə bağlı paylaşım üçün aldığı 250 min dolları lazımi qaydada açıqlamadığına görə ümumilikdə 1,26 milyon dollar ödəməyi qəbul edib. SEC bildirib ki, müəyyən investisiya məhsullarını təbliğ edən şəxslər aldıqları ödənişin xarakterini, mənbəyini və məbləğini açıqlamalıdırlar. Oxşar işdə Floyd Mayweather müxtəlif kriptovalyuta layihələrindən aldığı 300 min dolları, DJ Khaled isə 50 min dollarlıq reklam ödənişini açıqlamayıb. Nəticədə Mayweather təxminən 615 min dollar, DJ Khaled isə təxminən 153 min dollar geri ödəniş, faiz və cərimə ödəməyi qəbul edib. Bu nümunələr göstərir ki, məşhur şəxsin investisiya məhsulunu tərifləməsi onun təhlükəsiz və ya müstəqil şəkildə seçildiyini sübut etmir. Auditoriyanın reklam münasibətindən ( reklam edənin marağının nə olduğu ) xəbərdar olması investisiya qərarının obyektiv qiymətləndirilməsi üçün əsas şərtlərdən biridir.

SEC — Kim Kardashian və EthereumMax

SEC — Floyd Mayweather və DJ Khaled

10. Eyni məhsulu tərifləyən influenserlər təşkil olunmuş reklam kampaniyasının iştirakçısı ola bilərlər

Lord & Taylor şirkəti 50 influenserə eyni paltarı göndərib və hər birinə 4.000 dollar ödəniş edib. Paylaşımlar şəxsi seçim kimi görünsə də, onların reklam xarakteri auditoriyaya aydın şəkildə bildirilməyib. FTC-nin məlumatına görə, kampaniya iki gün ərzində 11,4 milyon Instagram istifadəçisinə çatıb. Warner Bros. ilə bağlı başqa bir işdə YouTube video yaradıcılarına video-oyun barədə müsbət icmallar hazırlamaq üçün ödəniş edildiyi, lakin sponsorluğun kifayət qədər aydın göstərilmədiyi bildirilib. Həmin videolar ümumilikdə 5,5 milyondan çox izlənmə toplayıb. Bu nümunələr göstərir ki, eyni məhsulun, yaşayış kompleksinin və ya investisiya alətinin müxtəlif tanınmış şəxslər tərəfindən eyni vaxtda təriflənməsi koordinasiyalı reklam kampaniyası ola bilər.

FTC — Lord & Taylor və 50 influenser

FTC — Warner Bros. və sponsorlu YouTube videoları

Hər hansı investisiya qərarı verməzdən əvvəl tövsiyə edən şəxsin həmin şirkət və ya məhsulla maddi əlaqəsinin olub-olmadığını araşdırın. “Zəmanətli qazanc”, “risksiz investisiya” və “mütləq bahalaşacaq” kimi ifadələrə ehtiyatla yanaşın. Səhm, istiqraz və ya daşınmaz əmlak barədə məlumatları müstəqil mənbələrdən yoxlayın və mümkün riskləri qiymətləndirin. Unutmayın ki, tanınmış şəxsin tövsiyəsi investisiyanın etibarlı olduğuna zəmanət vermir. Pulunuzu başqalarının sözünə deyil, öz araşdırmanıza əsaslanaraq yatırın.

Süni intellekt infrastrukturuna yatırılan yüz milyardlarla dollar yalnız GPU istehsalçılarını deyil, onların arxasında dayanan kritik texnologiya şirkətlərini də yeni böyümə mərhələsinə çıxarır. Bu şirkətlərdən birində tələbin təklifi üstələməsi fonunda gəlir, mənfəət və sərbəst pul axını proqnozları sürətlə yuxarı yenilənir. Şirkətin əsas biznes istiqa…

Read more

Süni intellekt infrastrukturunda əsas yarış artıq təkcə GPU istehsalı üzərində getmir. AI data mərkəzləri GPU, networking, CPU, interconnect və proqram təminatından ibarət bütöv sistem tələb edir. Bu bazarın liderlərindən biri son rübdə gəlirini 85%, Data Center gəlirini isə 92% artıraraq yeni rekord müəyyən edib. Şirkət növbəti rüb üçün təxminən $91 mi…

Read more

Qlobal rəqəmsal ödəniş bazarında səssiz, lakin çox sürətlə böyüyən şirkətlərdən biri diqqəti öz üzərinə çəkir. Son rübdə platformasından keçən ödənişlərin həcmi 92%, gəliri 56%, xalis mənfəəti isə 28% artıb. Şirkət 60-dan çox inkişaf etməkdə olan bazarda fəaliyyət göstərərək yüzlərlə beynəlxalq biznesi yerli ödəniş sistemlərinə bağlayır. Rəhbərlik güclü…

Read more

Süni intellekt yarışında investorların diqqəti əsasən GPU istehsalçılarına və böyük cloud platformalarına yönəlir. Lakin hər yeni AI data mərkəzinin arxasında məlumatı yüksək sürətlə daşıyan, minlərlə prosessoru bir-birinə bağlayan və sistemin bütöv işləməsini təmin edən ayrıca fiziki infrastruktur dayanır. AI klasterləri böyüdükcə yalnız hesablama gücü…

Read more

Süni intellekt yarışında əsas diqqət çip istehsalçılarına yönəlsə də, bu texnologiyanın arxasında nəhəng enerji və data-center infrastrukturu dayanır. Əvvəllər tamamilə fərqli sahə ilə tanınan bir şirkət indi sürətlə böyük AI Cloud platformasına çevrilir. Şirkət dünyanın aparıcı texnologiya nəhəngləri ilə milyardlarla dollarlıq müqavilələr imzalayıb və …

Read more

Son illərdə süni intellekt yarışında investorların diqqəti əsasən çip istehsalçılarına və AI modellərini hazırlayan şirkətlərə yönəlib. Lakin bu yarışın arxa planında yüz milyonlarla istifadəçiyə, nəhəng cloud infrastrukturuna və milyardlarla dollarlıq investisiya gücünə sahib başqa bir şirkət sürətlə ön plana çıxır. Şirkətin AI gəlirləri üçrəqəmli temp…

Read more

Bu şirkət haqqında bir neçə gün əvvəl ətraflı araşdırma paylaşmışdıq. Həmin araşdırmada şirkətin AI infrastrukturu, HBM, DRAM və advanced packaging bazarındakı güclü mövqeyini əsas götürərək qısamüddətli yüksəliş potensialına diqqət çəkmişdik. Araşdırmada göstərdiyimiz ilkin qiymət hədəfinə səhm qısa müddət ərzində yüksələrək çatdı. Hazırda bazardakı üm…

Read more

Son illərdə süni intellekt sektorunda əsas diqqət AI modellərini hazırlayan şirkətlərə yönəlsə də, bu texnologiyanın sürətli inkişafından ən böyük fayda əldə edən sahələrdən biri AI infrastrukturu olub.

NVIDIA, AMD və digər yarımkeçirici şirkətlərin sürətli böyüməsi göstərdi ki, AI yarışında yalnız ən yaxşı modeli hazırlamaq kifayət deyil. Bu modelləri ö…

Read more

Son illərdə qlobal texnologiya bazarında ən böyük investisiya fürsətlərindən bəziləri hələ geniş investor kütləsinin diqqətini çəkməmiş şirkətlərdən yaranıb. Süni intellekt infrastrukturundan kosmik texnologiyalara qədər bir çox sahədə kiçik və orta ölçülü şirkətlər sürətli böyümə mərhələsinə keçərək qısa müddətdə bazarın ən çox müzakirə olunan adlarına…

Read more